產品(粵拼:caan2 ban2,英文:product)泛指一切自然所生或者人力所造嘅物件,可以俾人攞去用(有經濟價值),可以拎去賣。
舉幾個例說明[1][2]:
- 一間工廠嘅工人結合各種原材料加埋自己精神時間,最後製作出若干架汽車,而呢啲汽車可以滿足人(想要唔使吓吓去邊都行路)嘅慾望,消費者會願意為咗得到汽車付出資源(「資源」包括咗錢)。
- 一班工人結合水泥等嘅各種原材料加埋自己精神時間,製作出一棟住得人嘅建築物,而呢棟建築物可以滿足人(想要有瓦遮頭等)嘅慾望,消費者會願意為咗得到呢棟建築物而付出錢等嘅資源,令建築人員有利可圖。