D’ South China Morning Post [saʊθ ˈt͡ʃaɪnə ˈmɔɹnɪŋ poʊst](info), kurz SCMP, lokààl àui „The Post“ (chin. 南華早報 / 南华早报, Nánhuá Zǎobào, kurz 南早, Nánzǎo) gnännt, un ìhra Sunntigsufflààg Sunday Morning Post (星期日南華早報), gheera züa da Laitmeedia ìn Hongkong (Kiina). D’ SMCP ìsch d’ greeschta anglischschproochiga Tààgszittung z’ Hong Kong: Jeeder Tààg waara-n-äbba 100.000 Examplààra gedruckt.
Schnelle Fakten
South China Morning Post |
|
Beschriibig |
Hongkonger Tààgszittung |
Sproch |
Anglisch |
Verlag |
SCMP Publishers Limited (Kiina) |
Erstusgob |
6. Nowamber 1903 |
Erschiinigswiis |
Mo–So |
Uflag | 187.464 (gsàmt 2016) 105.347 (Mo–Sà) 82.117 (Sun.) Exemplar |
Riichwiiti | äbba 0,396 (2011)[1] Mio. Läser |
Chefredakteur |
Tammy Tam 譚衛兒 |
Herusgäber |
Joseph Tsai 蔡崇信 (Chairman, Schtànd Septamber 2023) Alibaba Group |
Weblingg |
smcp.com |
Artikelarchiv |
SCMP Online-Àrkiiv |
|
Schließen
Àb 1986 hàt d’ SMCP züa dr News Corporations vum Rupert Murdoch g’heert, bis sa ànna 1993 vum malaisischa G’schaftsmànn Robert Kuok iikàuift worra-n-ìsch. Àm 5. Àwrìl 2016 ìsch d’ SMCP Group vu dr kineesischa Alibaba Group ìwwernumma worra.[2] Bis ìm Àwrìl 2016 hann ìwwer 20.000 Litt fìr a Abonnement b’zààhlt. Noh-n-em Verkàuif vu dr Zittung àn d’ Alibaba Group ìsch s’ Abonnement ìn a koschtaloosa-n-Ààgeboot umg’wàndelt worra. Àb Àuigscht 2020 hàt maa nochamol a Abonnement müassa bezààhla, fìr d’ gànza Online-Wärsioon laasa.[3][4]
Ànna 2016 hàt a Mainungsumfroog vu dr Kineesischa Üniwärsiteet vu Hongkong gezaigt, àss d’ SMCP d’ lokààla Meedia-n-ìsch, wo d’ Hongkonger àm maischta tràuija.[5] Zitter’m Verkàuif ànna 2016 hann Kritiker gsajt, àss d’ South China Morning Post d’ Ààschàuijung vu dr kineesischa Regiarung düat befäärdra.[6][7][8][9]