Werterbuech vu dr donauschwebische Fachwortschätz
From Wikipedia, the free encyclopedia
S Werterbuech vu dr donauschwebische Fachwortschätz (dt. Wörterbuch der donauschwäbischen Fachwortschätze) erfasst un bschrybt dr Wortschatz vu dr Handwärcher un dr Landwirtschaft vu dr donauschwebische Dieläkt. S Werterbuech konzäntriert sich uf dää Uusschnitt us em Gsamtwortschatz, wel die Beraich fir s Läbe un s Schaffe vu dr dytschsprochige Bevelkerig in däre Region represäntativ sin. D Bschränkig isch e Voruussetzig derfir gsi, ass d Bänd in ere absähbare Zyt hän chenne bearbeitet un vereffentligt wäre. Si isch au notwändig gsi, wel sich di donauschwebische Dieläkt dur Flucht, Verdryybig un Uuswanderig allmeh uflese, un dodermit d Gwährslyt bal nimmi z Verfiegig stehn.
Dialäkt: Undermarkgreflerisch |
D Yydreg vum Werterbuech sin alfabetisch aagordnet, dr Aasatz vu dr Stichwerter isch wie in dr meischte große Dieläktwerterbiecher hochdytsch.