Android
sistema operativu pa preseos móviles / From Wikipedia, the free encyclopedia
Android ye un sistema operativu basáu nel nucleu Linux. Foi diseñáu principalmente pa dispositivos móviles con pantalla táctil, como teléfonos intelixentes, tabletas y tamién pa relós intelixentes, televisiones y automóviles. Primeramente foi desenvueltu por Android Inc., empresa que Google sofitó económicamente y más tarde, en 2005, mercó.[1] Android foi presentáu en 2007 xunto la fundación del Open Handset Alliance (un consorciu de compañíes de hardware, software y telecomunicaciones) p'avanzar nos estándares abiertos de los dispositivos móviles.[2] El primer móvil col sistema operativu Android foi'l HTC Dream y vendióse en ochobre de 2008.[3] Los dispositivos d'Android vienden más que les ventes combinaes de Windows Phone y IOS.[4][5][6][7]
L'ésitu del sistema operativu convirtióse n'oxetu de pleitos sobre patentes nel marcu de les llamaes guerres de patentes ente les empreses de teléfonos intelixentes.[8][9] Según los documentos secretos peneraos en 2013 y 2014, el sistema operativu ye unu de los oxetivos de les percancies d'intelixencia internacionales. Android ye'l sistema operativu más usáu n'España con una cuota de mercáu del 92,2% de tolos teléfonos intelixentes.[10]
La versión básica d'Android ye conocida como Android Open Source Project (AOSP).[11]
El 25 de xunu de 2014 na Conferencia de Desarrolladores Google I/O, Google amosó una evolución de la marca Android, col fin d'unificar tanto'l hardware como'l software y ampliar mercaos.
El 17 de mayu de 2017, presentóse Android Go. Una versión más llixera del sistema operativu p'ayudar a que la metá del mundu ensin smartphone consiga unu en menos de cinco años. Inclúi versiones especiales de les sos aplicaciones onde'l consumu de datos amenorgar al máximu.