Ciudá Prohibida
From Wikipedia, the free encyclopedia
La Ciudá Prohibida ye un complexu palaciegu asitiáu en Beixín, capital de China. Mientres cuasi quinientos años, dende la dinastía Ming hasta'l final de la dinastía Qing, foi la residencia oficial de los emperadores de China y la so corte, según centru ceremonial y políticu del Gobiernu chinu. Na actualidá ye una atraición turística qu'alluga'l Muséu del Palaciu.
Patrimoniu de la Humanidá — UNESCO | |
---|---|
Llugar | China |
Criterios | Cultural: i, ii, iii, iv |
Referencia | 439bis |
Inscripción | 1987 (XI Sesión) |
Estensiones | 2004 |
Área | Asia y Oceanía |
Construyíu ente 1406 y 1420 por orde del emperador Yongle, el complexu actual consta de 980 edificios y ocupa una superficie de 72 hai.. El conxuntu ejemplifica l'arquiteutura palacial tradicional de China[1] ya influyó nel desenvolvimientu cultural y arquitectónico d'Asia oriental y otres partes del mundu, polo que la Ciudá Prohibida foi declarada Patrimoniu de la Humanidá en 1987.[1] Amás, ta consideráu pola Unesco como'l mayor conxuntu d'estructures antigües de madera nel mundu.
Dende 1925 la Ciudá Prohibida ta xestionada pol Muséu del Palaciu, que cunta con una estensa coleición d'obres d'arte y oxetos que pertenecieron a les coleiciones imperiales de les dinastíes Ming y Qing. Parte de l'antigua coleición del muséu atópase güei nel Muséu Nacional del Palaciu en Taipéi, pos dambos museos pertenecieron a la mesma institución y estremáronse tres la Guerra Civil China.