Eurocopa 2016
From Wikipedia, the free encyclopedia
La Eurocopa 2016 (oficialmente Campeonatu Européu de Fútbol de la UEFA 2016 o UEFA EURO 2016™)[15] o a cencielles Euro 2016 foi la decimoquinta edición del máximu tornéu de seleiciones nacionales pertenecientes a la Unión d'Asociaciones Europees de Fútbol (UEFA). Llevóse a cabu en Francia del 10 de xunu al 10 de xunetu de 2016.
Eurocopa 2016 | ||||
---|---|---|---|---|
Xeneral | ||||
Deporte | fútbol | |||
Sede | Francia | |||
Estadiu | Parc des Princes, Stade de France, Stade Félix Bollaert (es) , Estadio Pierre Mauroy (es) , Parc Olympique lyonnais (es) , Allianz Riviera (es) , Stade Vélodrome (es) , Stade de Toulouse (es) , Stade Bordeaux-Atlantique (es) y Stade Geoffroy-Guichard (es) | |||
Estáu | Francia | |||
Data de principiu | 10 de xunu de 2016 | |||
Data de fin | 10 de xunetu de 2016 | |||
Edición | 15 | |||
Organizador | UEFA | |||
Patrocinador |
Adidas[1] Tourtel[2] Française des Jeux[3] McDonald's[4] Coca-Cola[5] Carlsberg[6] Continental AG[7] Hyundai[8] Kia[8] SOCAR[9] Crédit Agricole[10] SNCF[11] Orange[12] Turkish Airlines[13] La Poste (es) [14] Proman (es) Hisense (es) [9] HomeAway (es) [9] | |||
Ganador | seleición masculina de fútbol de Portugal | |||
Eventu final | Final de la Eurocopa 2016 (es) | |||
Estadístiques | ||||
Participantes | 24 | |||
Partíos disputaos | 51 | |||
Asistencia total | 2 427 303 | |||
Cronoloxía | ||||
| ||||
Otros datos | ||||
Web oficial | ||||
Francia foi escoyida sede de la competencia'l 28 de mayu de 2010, dempués de superar a les candidatures d'Italia y Turquía. Esta foi la tercer ocasión en qu'esti país allugó'l campeonatu, yá que enantes entamara les ediciones primera en 1960 y séptima en 1984.
A partir d'esta edición el númberu de seleiciones participantes na fase final de la Eurocopa viose amontada de 16 a 24, colo que la fase de grupos estendióse de 4 a 6 grupos, y los clasificaos a la fase d'eliminación, de 8 a 16 equipos.[16] Dende la so creación la Eurocopa vien aumentando los equipos que participen na so fase final, la primera edición solo cuntó cola participación de 4 países, pa Italia 1980 y nes trés ediciones siguientes fueron ocho países hasta que n'Inglaterra 1996 ampliáronse a 16 los participantes, númberu que se caltuvo hasta Polonia y Ucraína 2012.
Portugal proclamóse campeón del tornéu al ganar na final a la seleición de Francia por un marcador de 1:0, gol marcáu por Éder na segunda parte de la prórroga. D'esta manera, Portugal llogró'l so primer títulu continental y completó la so meyor participación nuna Eurocopa tres el subcampeonatu que consiguió en 2004. Pela so parte, l'anfitrión Francia volvió llegar a una final europea dende aquella que ganó en 2000. Sicasí, falló nel intentu de consiguir la que fuera la so tercer Eurocopa y quedóse col subcampeonatu, primeru de la so historia.
Na so calidá de campeona, Portugal participó como representante de la UEFA na Copa Confederaciones Rusia 2017 llogrando'l tercer puestu.