Phylidonyris pyrrhopterus
especie de páxaru / From Wikipedia, the free encyclopedia
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Estáu de caltenimientu | ||
---|---|---|
Esmolición menor (IUCN 3.1)[1] | ||
Clasificación científica | ||
Reinu: | Animalia | |
Filu: | Chordata | |
Clas: | Aves | |
Orde: | Passeriformes | |
Familia: | Meliphagidae | |
Xéneru: | Phylidonyris | |
Especie: |
Phylidonyris pyrrhopterus (Latham, 1802) | |
Distribución | ||
Sinonimia | ||
| ||
Consultes | ||
[editar datos en Wikidata] |
'''Phylidonyris pyrrhopterus[2][3] ye una especie d'ave paseriforme de la familia Meliphagidae nativa del sureste d'Australia. Ye miembru del xéneru Phylidonyris, ta estrechamente rellacionáu col mieleru de Nueva Holanda (Phylidonyris novaehollandiae) y el mieleru cariblanco (Phylidonyris niger). Reconócense dos subespecies, con P. p. halmaturinus acutada a la isla Canguro y los montes Lofty en Australia Meridional.
Ye una ave bastante sosa, de plumaxe gris escuru y partes inferiores más pálides, destaca polos parches mariellos nes ales y una gran media lluna negra, arrodiada de blancu, en cada llau del pechu. La especie exhibe un leve dimorfismu sexual, cola fema siendo más apagada nel color que'l machu. Los páxaros xuveniles son similares a la fema, anque los parches alares mariellos de les críes masculines estrémense fácilmente.
El machu tien un cantar complexo y variable, que s'escucha mientres tol añu. Canta dende una percha espuesta, y mientres la temporada de cría realiza cantares en vuelu. Habita en zones de trupa vexetación qu'inclúi montes esclerófilos y hábitats alpinos, según gorbizales, parques y xardinos, onde la so dieta compónse de néctar y invertebraos. Formen pareyes al llargu plazu, y de cutiu permanez comprometíu a un llugar de reproducción per dellos años. La fema constrúi'l nial y fai la mayor parte del cuidu de los dos o trés críes, que se converten n'independientes dientro de los 40 díes a partir de la puesta de los güevos.
Los padres utilicen una variedá d'estratexes de llucha contra'l depredadores, pero los pitucos pueden ser tomaos por culiebres, cucaburras, currawongs o gatos. Anque enfrenta a una serie d'amenaces, les sos cifres de población y distribución son abondes por que pueda ser catalogáu como de esmolición menor pal caltenimientu.