Vincent van Gogh
From Wikipedia, the free encyclopedia
Da Vincent Willem van Gogh (* 30. Meaz 1853 z Groot-Zundert; † 29. Juli 1890 z Auvers-sur-Oise) wor a holländischa Mola und Zoachna. Ea guit ois oana vo de Begrinda vo da modeanan Molarei, wei sei Weak an groussn Einfluss af nochfoigande Mola ghobt hod, voa oim af Expressionistn und Fauves. Sei Haptweak wead im Post-Impressionismus zuagrechnet. Wearend ea glebt hod, hod a ned vui Buidln vakafft, owa heit zejn seine Gmejde zu de weatvoistn af da ganzn Wejd.
Ea hod an umgangreichn Briafwexl hintalossn, wo vui iwa sei Weak und seine Lembsumständ drin stähd. Dena Briaf wead aa a literarische Qualitet zuagschriem. Ea hod unta Angszuaständ und psychische Problem gliddn und is scho mid 37 Joar gstoam. De Doudesumständ san bis heit ned klor. Uaspringle is ma vo an Freidoud ausganga, heit meara vo am Unfoi.[1][2]