Kaliningrad Oblast
From Wikipedia, the free encyclopedia
An Kaliningrad Oblast (Russian: Калинингра́дская о́бласть, translit. Kaliningradskaya oblast) iyo an bandang sulnopan na gayo na sakop pederal nin Rusya. Ini sinasabing semi-exclave na namomogtak sa Dagat Baltiko. An pinakadakula na siyudad asin iyo an sentro administratibong siyudad kan probinsya (oblast) iyo an syudad nin Kaliningrad, dati inapod na Königsberg. An pwertong siyudad nin Baltiysk iyo mansana an pwerto kan Rusya sa Dagat Baltiko na dai pigyeyelo sa panahon nin nyebe. An Kaliningrad Oblast may populasyon na mga 1 million susog sa Rusong Senso 2021.[1]
An oblast nasasagkoran nin Polonya sa habagatan, Lituania sa norte asin subangan, asin kan Dagat Baltiko sa norte-sulnopan. An teritoryo dati iyo an bandang amihanan kan Prusyang probinya nin Subangan Prusya; an natatadang parteng habagatan kan probinsya ngonyan parte kan Warmian–Masurian Voivodeship sa Polonya. Sa pagkadaog kan Alemanya Nazi sa Ikaduwang Gerang Pankinaban, an teritoryo ipigsaro' sa Russian SFSR kan Unyon Sobyet. Sunod kan paka-gera na migrasyon pagdurulag asin pagpatalsik kan mga Aleman, an teritoryo pinagbanwa na kan mga namamanwaan na Sobyet, kadaklan mga Ruso.