Voltaire
From Wikipedia, the free encyclopedia
Si François-Marie Arouet (Pranses: [fʁɑ̃swa maʁi aʁwɛ]; 21 November 1694 – 30 May 1778), midbid sa saiyang tagong-ngaran na Voltaire (/vɒlˈtɛər, voʊl-/;[5][6][7] also US: /vɔːl-/;[8][9] Pranses: [vɔltɛːʁ]), sarong Pranses Pagmumuklat na parasurat, historyador, asin pilosopo bantog kan saiyang mapanas na pag'iisip, saiyang pagtuyaw sa Kristyandad—orog na an Simbahan Katoliko Romano— asin kan kaoripnan, kan saiyang adbokasiya sa talingkas na pagtaram, talingkas na pagtubod, asin an pagkasuway kan simbahan sa estado.
Voltaire | |
---|---|
Pintura ni Nicolas de Largillière, c. 1724 | |
Minundagan | François-Marie Arouet (1694-11-21)21 Nobyembre 1694 Paris, Kingdom of France |
Kagadanan | 30 Mayo 1778(1778-05-30) (edad 83) Paris, Kingdom of France |
Nilubongan | Panthéon, Paris, Pransya |
Kasibotan | Parasurat, pilosopo |
Nasyunalidad | Pranses |
Alma mater | Collège Louis-le-Grand |
Kailusyon | Émilie du Châtelet (1733–1749), Marie Louise Mignot (1744–1778) |
Philosophy career | |
Era | Anoy nin Pagkamuklat |
Region | Western philosophy French philosophy |
School | Lumières Philosophes Deism Classical liberalism |
Main interests | Political philosophy, literature, historiography, biblical criticism |
Notable ideas | Philosophy of history,[1] freedom of religion, freedom of speech, separation of church and state |
Influences
| |
Influenced
| |
Lagda | |
Si Voltaire mahusay asin mahigos na parasurat, nagpoprodyusir nin pagsusurat sa maski ano na lang na porma literaryo, kairiba na diyan an dula, rawitdawit, nobela, prosa, historya, asin mga sayantipikong pagpahayag. Siya nagguhit nin sobra sa 20,000 na mga kasuratan asin 2,000 na libro asin polyeto.[10] Siya an saro sa mga naenot na mga kagsurat na internasyonal na nabantog asin komersyal na nagbenta kan mga gibo niya. Siya maisog na nag'tutulod sa libertad sibil asin pirmi yaon sa huma nin estriktong pagsesensor huli kan mahigot na mga leyes kan monarkiyang Katolikong Pranses. An mga polemiko niya malanit na nagtutuya-tuya' kan intoleransya, dogma relihiyoso, asin kan mga kagawean nin Pranses sa panahon niyang idto. An pinakabantogan na obra niya asin kumbaga magnum opus, iyo an Candide, sarong halipot na nobela na nagkokomento, nagtutuyaw, asin nagtuya-tuya' dapit kan mga pangyayari, mga paraisip, asin kan mga pilosopiya sa panahon niya.