Tanah liat
From Wikipedia, the free encyclopedia
Tanah liat adalah material tanah alami babutir halus nang mangandung mineral tanah liat.[1] Tanah liat mangambangakan plastisitas amun basah. hal ngini disibabakan selaput molekuler banyu di parak partikel tanah liat jadi karas, jabuk, wan non-plastik pas pangaringan atawa pembakaran.[2][3][4] Kabanyakan mineral tanah liat murni bawarna putih atawa warna tarang, tapi tanah liat alami manampaiakan warna nang bamacam-macam maraga campurannya lawan materi lakn, misalnya warnanya kahabang-habangan atawa kacoklat-coklatan maraga didalamnya ada sadikit campuran oksida wasi.[5][6]
Tanah liat marupakan material keramik paling tuha nang dipinandui. Manusia prasejarah manamuakan kagunaan tanah liat wan mamakainya gasan maulah tembikar. Sapalihan pacahan tembikar nang pamulaan diulah sudah katahuan tanggalnya yaitu sakita 14.000 tahun sabalum masehi,[7] wan tablet tanah liat marupakan media gasan manulis pamulaan nang dikatahui manusia.[8] Tanah liat dipakai gasan proses di industri mudirin, nang kaya paulahan kartas, produksi semen, wan panyaringan bahan kimia. Antara satu-satangah wan dua-talu urang di dunia masih hidup atawa bagawi di bangunan nang diulah matan tanah liat, kadang nang diulah matan batu bata, nang kaya gasan manahan baratnya bangunan.