Luna 1
saagh spoar Soveidjagh / From Wikipedia, the free encyclopedia
Va Luna 1, va enmyssit Mechta (Rooshish: Мечта mʲɪt͡ɕˈta, let.: Ashlish), E-1 No.4 as y Chied Rouailtagh Eayst chammah, ny chied haagh spoar dy roshtyn naboonys Eayst y Dowan, ny chied haagh spoar cruinlagh y Dowan y aagail, as ny chied haagh spoar ve soit ayns cruinlagh grian-laaragh. V'eh yn join dy nee bwoalleyder Eayst vees ayn as v'eh launshit myr ayrn jeh claare Luna lesh yn Unnaneys Soveidjagh ayns 1959.
Ansherbee, haghyr marranys 'sy chorys stiuree er y thalloo chur stiagh ayns traa loshtee y cheim s'yrjey jeh'n roggad, as hie yn saagh spoar ersooyl voish yn Eayst er 5,900 km (ny smoo na tree keayrtyn craue raadeeoil yn Eayst). Haink Luna 1 dy ve ny chied red laue-jeant dy roshtyn yn cruinlagh grian-laaragh as v'eh far-enmyssit "Planaid Ellynagh 1"[1] as aa-enmyssit Mechta (Ashlish). Myrgeddin, va Luna 1 enmyssit "y Chied Lhong Tuinnagh",[1] as eh çheet er bieauid scaapail y Dowan.