Dortmund
wulkoměsto w Němskej / From Wikipedia, the free encyclopedia
Dortmund (westfalsce Düörpm) je wulkoměsto na zapadźe Němskeje. Leži při wuchodnej kromje metropoloweho regiona Ryn-Ruhr w Sewjerorynsko-Westfalskej. Z 590.000 wobydlerjemi je město hospodarske a wikowanske srjedźišćo Westfalskeje a zdobom po Kölnje a Düsseldorfje třeće najwjetše město zwjazkoweho kraja a dźewjate najwjetše cyłeje Němskeje. W lěće 2010 bě zhromadnje z druhimi městami Ruhrskeho kraja z kulturnej stolicu Europy.
| ||
Wopon | ||
---|---|---|
| ||
Zakładne daty | ||
stat | Němska | |
zwjazkowy kraj | Sewjerorynsko-Westfalska Sewjerorynsko-Westfalska | |
wokrjes | bjezwokrjesne | |
wysokosć | 86 metrow n.m.hł. | |
přestrjeń | 280,71 km² | |
wobydlerstwo | 586.852 (31. dec 2021)[1] | |
hustosć zasydlenja | 2091 wob. na km² | |
póstowe čisła | 44135–44388 | |
předwólby | (+49) 0231, 02304 | |
awtowa značka | DO | |
Politika a zarjadnistwo | ||
wyši měšćanosta | Ullrich Sierau (SPD) | |
adresa | Friedensplatz 1 44135 Dortmund | |
webstrona | dortmund.de | |
Połoženje Dortmunda w Sewjerorynsko-Westfalskej | ||
wikidata: Dortmund (Q1295) |
Něhdy wažne mócnarstwowe a hansowe město při Hellowym puću je so w zašłymaj lětstotkomaj přez industrijnu metropolu wuwiło k wuznamnemu stejišću posłužbow a technologije. Po tym zo bě wot druheje połojcy 19. lětstotka předewšěm znaty za wuhlo, wocl a piwo, je Dortmund po dołhej strukturnej změnje dźensa srjedźišćo drobneho wikowanja a zawěsćenskeho hospodarstwa a stejišćo šěsć wysokich šulow, mjez druhim Techniskeje uniwersity, a 19 dalšich wědomostnych institucijow. Daloko znate je nimo toho koparske towarstwo Borussia Dortmund, kotrež słuša k najlěpšim w Němskej.
Ze swojim hłownym dwórnišćom a lětanišćom je Dortmund tež regionalne a nadregionalne wobchadne křižowanišćo we wuchodnym Ruhrskim kraju.