Helmut Kohl
Kanslari Þýskalands 1982-1998 / From Wikipedia, the free encyclopedia
Helmut Kohl (3. apríl 1930 – 16. júní 2017) var þýskur stjórnmálamaður. Hann var kanslari Vestur-Þýskalands frá 1982 til 1990 og sameinaðs Þýskalands frá 1990 til 1998. Hann varð formaður Kristilega demókratasambandsins 1973, eins stærsta stjórnmálaflokks Þýskalands. Sextán ára kanslaratíð hans nær yfir endalok kalda stríðsins og var sú lengsta í sögu Þýskalands frá valdatíð Ottos von Bismarck.
Staðreyndir strax Kanslari Þýskalands, Forseti ...
Helmut Kohl | |
---|---|
Kanslari Þýskalands | |
Í embætti 1. október 1982 – 27. október 1998 | |
Forseti | Karl Carstens Richard von Weizsäcker Roman Herzog |
Forveri | Helmut Schmidt |
Eftirmaður | Gerhard Schröder |
Persónulegar upplýsingar | |
Fæddur | 3. apríl 1930 Ludwigshafen, Rínarland-Pfalz, Þýskalandi |
Látinn | 16. júní 2017 (87 ára) Ludwigshafen, Rínarland-Pfalz, Þýskalandi |
Þjóðerni | Þýskur |
Stjórnmálaflokkur | Kristilegi demókrataflokkurinn |
Maki | Hannelore Renner (g. 1960; d. 2001) Maike Richter (g. 2008) |
Trúarbrögð | Kaþólskur |
Börn | Walter Kohl, Peter Kohl |
Háskóli | Háskólinn í Heidelberg |
Undirskrift |
Loka
Kohl var leiðandi í sameiningarferli Þýskalands og, ásamt François Mitterrand Frakklandsforseta, er eignaður heiðurinn af því að hafa komið á Maastrichtsáttmálanum og þar með Evrópusambandinu. Ásamt Jean Monnet og Jacques Delors er Kohl eini maðurinn sem hefur verið sæmdur heiðursnafnbótinni Heiðursborgari Evrópu.[1]