Bantular
From Wikipedia, the free encyclopedia
Bantular yaki bantu xalıqları ("a-ba-ntu" - adamlar, xalıq[1] sózinen) — Afrikanıń Saxaradan qubladaǵı derlik barlıq aymaqlarında jasawshı, salt-dástúrleri hám tilleri (bantu toparına tiyisli) arqalı óz-ara baylanısqan tórt júzden artıq etnik toparlardıń ulıwma ataması. Házirde 200 millionǵa jaqın bantu xalıqları tiykarınan awıl xojalıǵı menen shuǵıllanadı. Bantulardıń eń iri wákillerine tómendegi xalıqlar kiredi: shona(lar) - 14 million adam, ruanda(lar) - 13 million adam, zulus(lar) - 10,5 million adam, kongo(lar) - 10 million adam, makua(lar) - 8,55 million adam, xosa(lar) - 7,9 million adam, rundi(ler) - 7 million adam, chokve - 1,95 million adam.