Talitwanit
From Wikipedia, the free encyclopedia
Talitwanit ttmeslayen-tt ass-a 3 n yimelyunen n medden di Litwanya (98 % seg yimezdaɣen n Tegduda Talitwanit), ma nerna-yas-d i wemḍan-agi anect yettmeslayen talitwanit berr'a i Litwanya, ad d-naf d akken 3,5 n yimelyunen n yemdanen ara yettmeslayen talitwanit deg wemḍal. Si ger n 800.000 n Yilitwaniyen ay yettidiren di lberr'ani, aḥric ameqqran deg-sen yettidir deg Yiwunak Yedduklen (650.000), maca diɣ nezmer ad naf aṭas n Yilitwaniyen di Pulunya (anda 70.000 n yemdanen ay yettmeslayen talitwanit), di Brizil (40.000), di Ter'jentint (35.000), di Kanada (14.725), di Briṭanya Tameqqrant (12.000), akk d Uruguay (10.000) (Grimes 1992). D acu kan, akken d-iger tamawt Zinkuvicius deg wedlis-is, maci Ilitwaniyen merr'a ay izedɣen di lberr'ani ssnen tutlayt-nsen.
Talitwanit | |
---|---|
Lietuvių kalba — Lietuviškai | |
At tutlayt tayemmat | 4 000 000 |
| |
Agaraw n tira | Agemmay alatini |
Ingalen n tutlayt | |
ISO 639-1 |
lt |
ISO 639-2 |
lit |
ISO 639-3 |
lit |
Glottolog |
lith1251 [1] |
Wikipedia |
lt |
Deg wennar n tesnilsit (linguistique), qqaren-d d akken d talitwanit i deg ay d-qqimen waṭas akk n yedrizen (traces) si tutlayt tahendur'ufit (indo-européen) taqdimt, tin i seg d-yeffeɣ umur meqqren si tutlayin n Tur'uft n wass-a. Qqiment-d di tlitwanit aṭas n tɣawsiwin n tjerr'umt taqburt ay sr'uḥent tutlayin tihendur'ifiyin nniḍen. D acu kan, am tutlayin merr'a n twacult tahendur'ufit, ula d talitwanit tbeddel akk d lweqt. Talɣa (forme) taqburt akk n tlitwanit yettwassnen, qqaren-as "talitwanit taqburt", yiwen ur a tt-yettmeslay ass-a.