Bara
From Wikipedia, the free encyclopedia
Sort a voos pebys yw bara. An chif devnydh yw toos, gwrys dre vras dhyworth bleus ha dowr. Dell yw usys, keworrys yw holan ha burm. Yn fenowgh pebys yw bara yn forn. Y hyiir y brena a-derdro'n bys.
Restren:Assorted bread.jpg, Home made sour dough bread.jpg, Baguettes - stonesoup.jpg, Ruisleipä-limppu reikäleipä reissumies hapankorppu-1.JPG | |
Ensampel a | type of food or dish |
---|---|
Klass | staple food, baked good, bánh |
Dalleth/Fondya | 30 millennium BC |
Synsys ynno/i | bleus, dowr |
Restrennow kelmys war Gemmyn Wikimedia |
Y hyllir krasa bara po y usya dhe wul baramanyn (breghdanow). Pitsa yw boos selys war vara. Yma lies eghen a vara.
An dhew chif sort a vara yw:
- Bara gwel yw gwrys dre geworra burm po mayn gwel aral dhe'n toos. An burm a askor gass may hwra an toos bos skaffa. Bara gwel a yll bos gwrys dhe dorthow moy pebys yn forn. Hemm yw an chif sort a vara yn Europa, an Statys Unys ha lies rann a Asi.
- Bara heb gwel yw gwrys dhyworth toos a dhowr ha bleus, heb burm. Pebys yw yn shapys rond kepar ha tortilla po chapati. Ny yllir gul an sort ma a vara mar dew drefen y vos re dhoos dhe'y dhybri. Dybrys yw bara heb gwel yn Pow Grek, Afrika, rannow Asi hag Amerika Kres. Ensamplow a gomprhend bara pita ha tortilla. Pebys yns i war ven pobas po chofar, po yn forn.
Liw ha blas an bara a greg war an sort a vleus usys ha gis an pobas. Bara gwrys dhyworth an greun kowal a wra bara tewlla. Bleus gwrys dhyworth greun gwaneth polsys a wra bara pur wynn. Bleus sugal ha barlys a re eghennow tewlla a vara. An sort a vleus a janj an termyn may hallo gwitha an bara kyns ev dhe bedri. Nebes eghennow a waneth a worthsav fong, mes martesen na askorro bara mar vlasus hag eghen wanna.