Gwaneth
From Wikipedia, the free encyclopedia
Gwaneth (Kinda: Triticum) yw greunvos. Tus a's deber yn furv bara. Sort a welsen yw, ha'y frooth yw penn-ys gans hasennow dybradow. Tevys veu y'n kynsa le y'n Levant, ranndir a'n Est Ogas. Lemmyn, tevys yw a-derdro'n bys.
Gwaneth | |
---|---|
Gwaneth (golok ogas) (Triticum”) | |
Klassans bewoniethek | |
Gwlaskor: | |
(anrenkys): | Angiosperms |
(anrenkys): | Eudicots |
(anrenkys): | Commelinids |
Urdh: | Poales |
Teylu: | |
Kinda: | Triticum Linnaeus |
Kenwerth gwaneth yw moy ages pub trevas aral kesunys. Yn ollvysel, gwaneth yw an bennfenten voyha a brotin losow yn boos denel. Gwaneth a's teves dalgh protin ughella ages greunvosow erel kepar ha hwegys, po ris. Eyl yw dhe ris yn termow somm askorrans avel chif trevas boos denel, moy es hwegys (usys moy rag bosow enevales). Trevasys yw 800 milvil tonnas pub bledhen.
Faktor alhwedhel o gwaneth yn dalleth hwarheans, ow gallosegi dalleth kowethasow selys war sitys. Gwaneth o onan a'n kynsa trevasow y hallses tevi yn es war radhva efan. Possybyl o dhe witha an has rag termynnyow hir yn hinyow segh. Gwaneth a weresas tevyans statow-sity y'n Kilgans Frothus, ow komprehendya emperourethow Babylon, Assyria ha Persia (ranndir Mesopotami).
Greun gwaneth yw chifboos usys dhe wul bleus rag bara gwel, bara heb gwel ha bara ethennys, tesennow kales, tesennow, greunvosow hansel, pasta, noudels ha couscous. Bragesys yw dhe wul las po ethanol rag diwosow po bewkeunys.
Alergedh dhe waneth (dre vras dhyworth an gluten) a yll kawsya kleves keliak, a gaws skit y'n godhevyas mar dheppro boos ow komprehendya gwaneth.