Lingua Iavanica
lingua / From Wikipedia, the free encyclopedia
Lingua Iavanica[1] (rite basa jawa, IPA [bɔsɔ dʒɔwɔ]; vulgo Cara jawa, IPA [tjɔrɔ dʒɔwɔ]) est lingua populi Iavanici ex media et orientali insulae Iavae regioibus, in Indonesia; sunt praeterea greges loquentium secundum septentrionale Iavae occidentalis litus. Lingua Iavanica est sermo patrius plus quam 98 millionum hominum,[2] plus quam 42 centesimae totius numeri incolarum Indonesiae.
Lingua Iavanica est una ex linguis Austronesiis, sed praesertim non arte conecta cum aliis linguis et difficilis in genera descriptu.
Linguae artissime cognatae cum lingua Iavanica sunt linguae Sundana, Madurensis, Balinensis, aliaeque linguae vicinae. Plurimi loquentes Iavanenses lingua Indonesiana quoque utuntur, genere linguarum Malaicarum solito, ob fines publicos et commerciales, et cum Indonesiis non Iavanicis communicare.
Sunt Iavanice loquentes in Malaesia (praecipue in civitatibus Selangor et Johor) et Singapura contracti. Nonnulli homines generis Iavanici in Surinamia (Surinamia, colonia Nederlandica, usque ad 1975) lingua creola de Iavanica descendente utebantur.