![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/36/Hammond-SS10.jpg/640px-Hammond-SS10.jpg&w=640&q=50)
Mythistoria romantica
From Wikipedia, the free encyclopedia
Mythistoria romantica[1] est genus litterarium. Mythistoriae huius generis fictionis plerumque coniunctionem et amorem romanticum binorum hominum attendunt, ac "finem bonae spei, gratos animi affectus moventem" habere debent.[2][3] Sunt multa mythistoriarum romanticarum subgenera, inter quae sunt mythistoriae fantasticae, historicae, scientificae, et paranormales.
![Thumb image](http://upload.wikimedia.org/wikipedia/commons/thumb/3/36/Hammond-SS10.jpg/640px-Hammond-SS10.jpg)
Nonnulli eruditi praecursores generis mythistoriarum romanticarum inveniunt in fictione litteraria saeculorum duodevicensimi et undevicensimi, praecipue Samuelis Richardson Pamela, or Virtue Rewarded ('Pamela, sive Virtus Remunerata'), mythistoria sentimentalis (1740), ac mythistoriae Ioannae Austen.[4] Austen vicissim Georgettam Heyer inspiravit, Britannicam fabularum amatoriarum historicarum tempore Austeniano conditarum fictionisque criminologicae auctorem. The Black Moth ('Heterocerum Atrum'), anno 1751 condita, prima mythistoria romantica Heyerana, 1921 edita est.