Ovibos moschatus
From Wikipedia, the free encyclopedia
Ovibos moschatus (Inuktitut ᐅᒥᖕᒪᒃ, umingmak; Woods Cree ᒫᖨᒨᐢ, mâthi-môs, et ᒫᖨᒧᐢᑐᐢ, mâthi-mostos) est Arctica mammalium species familiae Bovidarum ordinis Artiodactylorum,[3] cui est pellis densa et odor gravis a maribus tempore rugitus emissa, a quo speciei nomen derivatur, qui odor ad feminas attrahendas adhibetur.
Ordo : Artiodactyla
Familia : Bovidae
Subfamilia : Caprinae
Genus : Ovibos
Blainville, 1816[1]
Species : Ovibos moschatus
Formula:Genus list Specific:
Formula:Species listNomen Inuktitut umingmak 'barbatum',[4] nomina Woods Cree mâthi-môs et mâthi-mostos 'alcem deformem' et 'bisontem deformem' proprie significant.[5] Oviboves moschati in Groenlandia et Territoriis septentrio-occidentalibus Nunavutque Canadae Septentrionalis plerumque habitant,[6] sed multa animalia in Alascam civitatem Civitatum Foederatarum, Iuconum territorium Canadae, Paeninsulam Scandinavicam, et Siberiam introducta sunt.
Ovibos moschatus, pars subfamiliae Caprinarum, ovibus caprisque artius quam bobus coniungitur; nihilominus, in Ovibovem, suum genus, digeritur. Ovibos est unum ex duobus maximis Caprinarum generibus exstantibus, cum Budorcade taxicolore magnitudinis similis.[7]