Salvatoria
From Wikipedia, the free encyclopedia
Salvatoria[1] (Hispanice El Salvador), rite Res Publica Salvatoria (Hispanice República de El Salvador) est civitas sui iuris in America Media sita. Ad septentriones et occidentem Guatimalae, ad septentriones et orientem Honduriae finitima est, et ad meridiem Oceano Pacifico alluitur. Ad meridiem et orientem a Nicaragua Sinu Fonseca[2] (Hispanice Golfo de Fonseca) disiungitur. Minima civitas in extensione, sed maxima in spissitudine incolarum in America Media est.
Territoria finitima: Honduria, Guatimala
Locus: 13°40′8″N 88°51′58″W
Caput: Urbs Sancti Salvatoris
Gestio
Praefectus: Nayib Bukele
Consilium: Legislative Assembly of El Salvador
Situs interretialis
Populus
Sermo publicus: lingua Hispanica
Zona horaria: UTC−6, America/El_Salvador
Moneta: dollarium Civitatum Foederatarum, bitcoin
Commemoratio
Sigla
Dominium interretiale: .sv
Praefixum telephonicum: +503
Siglum autoraedarum: ES
Tabula aut despectus
Libertas ab Hispania anno 1821 adepta est. Annis ab 1823 ad 1838 ad Rem Publicam Foederalem Mediae Americae pertinuit. Annis a 1980 ad 1992 locus fuit belli civilis Salvatoriani inter gubernii copias militares et rebelles Frontis Faramundi Martí pro Liberatione Nationali (Hispanice Frente Farabundo Martí para la Liberación Nacional et siglis FMLN) copias; quo confecto, huius civitatis pacandae et democratizandae rationes coeperunt.
Oeconomica structura diu fundata est plerumque florente in agricultura plantationis (coffeae, gossypii, sacchari), plerisque agris in paucorum latifundiorum possessorum manus collatis. Nuperrime, industrializationis et oeconomicae diversificationis rationes acciderunt.
Die 7 Septembris anni 2021, prima civitas in toto orbe terrarum quae bitinummum[3] monetam legitimam, iuxta cum dollario Civitatum Foederatarum, asciverat facta est.[4]