Muhammad Iqbal
panyaia, urang alim dalam bidang falsafah, politik, sastra jo tasawuf / From Wikipedia, the free encyclopedia
Muhammad Iqbal (/ ˈɪkbɑːl /; Urdu: محمد اِقبال; November 1877 - 21 April 1938), nan labiah tanamo sabagai Allama Iqbal, adolah surang panyaia, filsuf, politisi, akademisi, pangacara jo urang alim[1][2] di India maso panjajahan Inggrih nan dianggap mamicu Garakan Pakistan. Baliau disabuik sabagai "Bapak Spiritual Pakistan."[3] Inyo adolah urang pantiang dalam sastra Urdu, jo karya sastranyo dalam bahasa Urdu dan Persia.[4]
Sabagai panyaia tanamo Iqbal disagani dek urang India, Pakistan, Bangladesh, Iran, jo samo cendekiawan sastra internasional lainnyo.[5][6][7]Walau tanamo sabagai penyair, inyo pun surang "pamikia falsafah Muslim nan sangaik diakui di zaman moderen". Buku puisi partamonyo, The Secrets of the Self, babahaso Persia pado taun 1915, kamudian muncua buku-buku puisi lainnyo sarupo The Secrets of Selflessness, Message from the East, jo Persian Psalms. Di antaro karyanyo, karya-karya babahaso Urdu paliang tanamo adolah Call of the Marching Bell, Gabriel's Wing, The Rod of Moses jo bagian dari Gift from Hijaz.[8] Salain puisi babahaso Urdu jo Persia-nyo, karya babahso Inggrih sarato surek-sureknyo sangaik bapangaruah dalam wacana budayo, sosial, agamo dan politik.
Pado taun 1922, Tahun Baru Honours, inyo diangkek manjadi Knight Bachelor dek Rajo George V.[9][10]Wakatu baraja hukum jo filsafat di Inggrih, Iqbal manjadi anggota All-India Muslim League cabang London. Kamudian, salamo sesi Liga di Desember 1930, inyo manyampaian pidato kapresidenannyo nan paliang tanamo-Pidato Allahabad di mano inyo mandorong taciptanyo nagara Muslim di India barat lauik.
Di sabagian gadang Asia Salatan dan dunia babahaso Urdu, Iqbal dianggap sabagai Shair-e-Mashriq (Urdu: شاعر مشرق, "Panyair Timur").[11][12][13]Inyo pun juo disabuik Mufakkir-e-Pakistan (Urdu: مفکر پاکستان, "Pamikia Pakistan"), Musawwar-e-Pakistan (Urdu: مصور پاکستان, "Artis Pakistan") sarato Hakeem-ul-Ummat (Urdu) : حکیم الامت, "Urang bijakbagi ummat"). Pamarintah Pakistan sacaro rasmi menamoannyo "Panyair Nasional Pakistan". Ulang tahunnyo Yōm-e Welādat-e Muḥammad Iqbāl (Urdu: یوم ولادت محمد اقبال), atau Hari Iqbal, adolah hari libur umum di Pakistan.[14]
Rumah Iqbal masih talatak di Sialkot dan diakui sabagai Iqbal's Manzil dan tabukak untuak pangunjuang. Rumahnyo nan lain tampek inyo tingga sabagian gadang hiduiknyo jo maningga adolah di Lahore, dinamoi sabagai Javed Manzil. Museum iko talatak di Allama Iqbal Road dakek Stasiun Kareta Api Lahore, Punjab, Pakistan.[15] Museum ko dilinduangi samo Undang-Undang Purbakala Punjab taun 1975, dan dinyoakan sabagai monumen nasional Pakistan pado taun 1977.