Neil Armstrong
Astronaut nan partamo sakali ka bulan / From Wikipedia, the free encyclopedia
Neil Alden Armstrong (lahia di Ohio, Amerika Serikat, 5 Agustus 1930 – maningga 25 Agustus 2012 pado umua 82 taun) adolah astronaut, pilot uji cubo, teknisi panabangan, profesor universitas, sarato Panabang Lauik Amerika Serikat. Inyo marupokan urang nan partamo kali bajalan di Bulan. Sabalum manjadi astronaut, Armstrong adolah pawira Angkatan Lauik Amerika Serikat jo pernah badinas di Parang Korea. Sasudah parang, inyo manjadi pilot uji cubo di Stasiun Panabangan Kecepatan Tinggi Komite Panasihaik Panabangan Nasional, kini Pusat Panalitian Panabangan Dryden, tampek inyo mancatatkan hampia 900 panabangan. Inyo lulus dari Universitas Purdue jo manyalasaian studi sarjananyo di Universitas California Selatan.
Neil Armstrong | |
---|---|
Lahia | 5 Agustus 1930 Wapakoneta, Ohio, A.S. |
Maningga | 25 Agustus 2012 (umua 82) Columbus, Ohio, A.S. |
Kabangsaan | Amerika Serikat |
Namo lain | Neil Alden Armstrong |
Panghargoan | |
Karier luar angkasa | |
Astronaut NASA | |
Pekerjaan sebelumnya | Panabang lauik, pilot uji cubo |
Waktu di luar angkasa | 8 hari, 14 jam, 12 minik, jo 31 datiak |
Seleksi | 1958 Man In Space Soonest 1960 Dyna-Soar 1962 NASA Group 2 |
Total EVA | 1 |
Total waktu EVA | 2 jam 31 menit |
Misi | Gemini 8, Apollo 11 |
Lambang misi | |
Sabagai paserta program panabangan antariksa manusia Man In Space Soonest Angkatan Udaro Amerika Serikat jo X-20 Dyna-Soar, Armstrong bagabuang jo Korps Astronaut NASA tahun 1962. Panabangan antariksa partamonyo adolah misi Gemini 8 NASA tahun 1966, nan katiko itu inyo manjadi pilot komandonyo jo manjadi warga nagara A.S. partamo kali di lua angkasa. Pado misi iko, inyo malakukan parapatan duo wahana antariksa baawak partamo basamo pilot David Scott.
Panabangan antariksa kaduo jo terakhir Armstrong adolah sabagai komandan misi pandaratan bulan Apollo 11 bulan Juli 1969. Pado misi iko, Armstrong jo Buzz Aldrin turun ka pamukaan bulan sarato mahabihan 2½ jam manjalajahi Bulan, samantaro Michael Collins tatap di orbit di dalam Modul Komando. Armstrong dihadiahkan Medali Kebebasan Presiden dek Presiden Richard Nixon basamo Collins jo Aldrin, Medali Kehormatan Antariksa Kongres dek Presiden Jimmy Carter tahun 1978, sarato Medali Emas Kongres tahun 2009.
Pado tanggal 25 Agustus 2012, Armstrong maningga dunia di Cincinnati, Ohio,[1] katiko umua 82 tahun akibaik komplikasi dari panyumbatan arteria koroner.