Jornal
From Wikipedia, the free encyclopedia
Jornal ye un meio de quemunicaçon ampresso, giralmente un perduto deribado de l cunjunto d'atebidades chamado jornalismo. Las caratelísticas percipales dun jornal son: l'uso de "papel d'amprensa" - mais barato i de menor culidade que ls outelizados por outros materiales ampressos; la lenguaige própia - drento daquilo que se antende por lenguaige jornalística; i ye un meio de quemunicaçon de massas - un bien cultural que ye cunsumido pulas massas. Ls jornales ténen cuntenido genérico, pus publican amboras i oupeniones qu'abrange ls mais dibersos antrisses sociales. Inda assi, hai tamien jornales cun cuntenido specializado an eiquenomie, negócios ó çporto, antre outros. La periodicidade mais quemun de ls jornales ye la diária, mas eisisten tamien aqueilhes cun periodicidade semanal, quinzenal i mensal. L jornal fui l purmeiro - i, por mui tiempo, l percipal - spácio d'atebidade profissional de l jornalismo.
La crise eiquenómica de 2008, cumbinada cul rápido crecimiento d'altarnatibas na anterneta, causou un grande declínio na publicidade i circulaçon de ls jornales, cun bários deilhes fechando ó reduzindo sues ouparaçones mundialmente [1], ua sceçon ye l Brasil ne l qual a tiraige de ls jornales ampressos creciu 4.2% an 2010.[2]
Ls jornales cuntemporáneos normalmente son ampressos nun tipo specífico de papel espesso i ásparo - l papel-jornal ó "papel d'amprensa", (newsprint an anglés), un papel reciclado, oubtido de pedaços de madeira nun aprobeitados na fabricaçon de mobles i fibras recicladas[3], cortado an fuolhas de tamanhos padronizados.
- Tamanho standard - antre 60 cn x 38 cn i 75 cn x 60 cn.
- Tamanho tabloide - cerca de 38 cn x 30 cn.
- Tamanho tabloide berlinense (ó ouropeu) - cerca de 47 cn x 31,5 cn.
- Tamanho microjornal.
Ls jornales tipicamente atenden quatro critérios:[4][5]
- Abrangéncia: sous cuntenidos son razoabelmente acessibles al público an giral.
- Periodicidade: ye publicado a anterbalos regulares.
- Atualidade: sue anformaçon ye atual.
- Ounibersalidade: cobren un amplo númaro d'assuntos.