Ourganizaçon para la Coperaçon i Zambolbimiento Eiconómico
From Wikipedia, the free encyclopedia
Modelo:Anfo/Organizaçon La Organizaçon pa la Coperaçon i Zambolbimiento Eiquenómico (OCDE)[1] (la sigla ben de l francés: Organisation de copération eit de débeloppement économiques, OCDE) ye ua organizaçon anternacional de 34 países qu'aceitan ls percípios de la democracie repersentatiba i de la eiquenomie de libre mercado[2], que percura fornecer ua plataforma para acumparar políticas eiquenómicas, solucionar porblemas quemuns i cordenar políticas domésticas i anternacionales. La maiorie de ls nembros de la OCDE son eiquenomies cun un eilebado PIB per capita i Índice de Zambolbimiento Houmano i son cunsidrados países zambolbidos, a la scepçon de l México, Chile i Turquie.
Tubo ourige an 1948 cumo la Organizaçon pa la Coperaçon Eiquenómica (OECE), liderada por Robert Marjolin de la Fráncia, para ajudar a gerir l Praino Marshall pa la reconstruçon de la Ouropa passado la Segunda Guerra Mundial. Mais tarde, la sue feliaçon fui stendida a estados nó-ouropeus. An 1961, la Cumbençon subre la Organizaçon pa la Coperaçon i Zambolbimiento Eiquenómico reformou la OECE i dou lugar a la Organizaçon pa la Coperaçon i Zambolbimiento Eiquenómico.
La sede de la OCDE ye localizada ne l Cháteau de la Muette an Paris, Fráncia.