टोकियो
जापानको राजधानी र सबैभन्दा जनसंख्या भएको सहर / From Wikipedia, the free encyclopedia
टोकियो (/ˈtoʊkioʊ, -kjoʊ/; जापानी: 東京; उच्चारणः तोउक्योउ, [toːkʲoː] ( सुन्नुहोस्)), आधिकारिक टोकियो महानगरपालिका (東京都, Tōkyō-to?),[4] जापानको राजधानी तथा सबैभन्दा ठूलो सहर हो। यो जापानको होन्सु द्वीपमा रहेको छ र यसको जनसङ्ख्या करिब ८६ लाख छ, जबकि टोकियो क्षेत्रमा १.२८ करोड र उपनगरीय क्षेत्र मिलाएर यहाँ अनुमानित ३.७ करोड मानिसहरू बसोबास गर्छन्, जुन यस देशको सबैभन्दा धेरै जनसङ्ख्या भएको महानगरीय क्षेत्र हो। टोकियो लगभग ८० किलोमिटरको क्षेत्रमा फैलिएको छ र यो क्षेत्रफलको दृष्टिकोणबाट पनि विश्वको सबैभन्दा ठुलो नगरीय क्षेत्र हो।[5]
टोकियो
東京都 | |
---|---|
टोकियो महानगरपालिका | |
राष्ट्रियगान: Tokyo Metropolitan Song (東京都歌, Tokyo Toka?)[1] | |
निर्देशाङ्क: ३५°४१′२३″उ॰ १३९°४१′३२″पू॰ | |
देश | जापान |
क्षेत्र | कान्तो |
टापु | होन्सु |
सरकार | |
• प्रकार | महानगरीय क्षेत्र |
• राजधानी | टोकियो[2] |
क्षेत्रफल | |
• महानगर | २१८७.६६ किमी२ (८४४.६६ वर्ग माइल) |
• महानगर | १३५७२ किमी२ (५२४० वर्ग माइल) |
• क्रम | ४५औँ |
जनसङ्ख्या (जुलाई ३१, २०१६)[3] | |
• महानगर | १३६१७४४५ |
• महानगर | ३७८००००० |
• २३ वडा | ८९६७६६५ |
२०१५ अनुमान | |
वासिन्दा | टोकियोको |
समय क्षेत्र | युटिसी+९ (जापानी प्रमाणिक समय) |
ISO 3166-2 | JP-13 |
पुष्प | सोमेइ-योसिनो चेरी ब्लोसम |
वृक्ष | जिङ्कगो वृक्ष (Ginkgo biloba) |
पक्षी | श्याम सिरी गल (Larus ridibundus) |
वेबसाइट | www |
टोकियो विश्वको सबैभन्दा विकसित सहरहरू मध्ये एक हो। यो जापानको राजनीतिक, आर्थिक तथा सांस्कृतिक गतिविधिको प्रमुख केन्द्र हुनको साथसाथै विश्वको एक प्रमुख आर्थिक केन्द्र पनि हो। यो विश्वको सबैभन्दा बढी महानगरीय अर्थव्यवस्था पनि हो जसको कुल घरेलु उत्पादन, क्रय शक्तिको आधारमा सन् २००५ मा १,१९१ अरब डलर थियो। न्यु योर्क तथा लन्डनसँग मिलेर यो विश्व अर्थव्यस्थाको सञ्चालन गर्ने संयत्र हो र यसलाई अल्फा+ नगरको दर्जा प्राप्त छ। विभिन्न संस्थाद्वारा गरिएको सर्वेक्षणमा टोकियोलाई विश्वको लगातार सबैभन्दा महँगो महानगर भएको गौरव प्राप्त छ।[6]