Android
From Wikipedia, the free encyclopedia
Android es un ensems logicial per telefòns mobils que compren un sistèma operatiu, logicial intermediari e aplicacions.[1][2] Google Inc. crompèt lo desvolopaire primièr del logicial, Android Inc., en 2005.[3] Lo sistèma operatiu per mobils d'Android se basa sus una version modificada del nuclèu Linux. Google e d'autras membres de l'Open Handset Alliance collaborèron al desvolopament e lançament d'Android.[4][5] L'Android Open Source Project (AOSP) a l'objectiu de manténer e contunhar lo desvolopament d'Android.[6] Lo sistèma operatiu Android es la plataforma per telefòns intelligents mai venduda.[7][8]
Android | |
Tipe | sistema operatiu per a mòbils (ca) |
---|---|
Desvolopaire/s | Open Handset Alliance (ca) e Google |
Version establa | 14 (4 d'octobre de 2023) |
Licéncia | Llicència Apache, versió 2.0 (ca) GNU GPL 2.0 (ca) |
Ficha tecnica | |
Plataforma | MIPS (ca) , ARM (ca) e x86 (ca) |
Lengatge | C, C++, Kotlin, XML Schema, Java e Rust |
Disponible en | Chinés, anglés, catalan, espanhòl, italian, japonés, multilingüisme, rus e xinès Yue (ca) |
android.com |
Android a una granda comunautat de desvolopaires qu'escrivon d'aplicacions ("apps") qu'espandisson las foncions dels dispositius. I a a l'ora d'ara gaireben 300.000 aplicacions disponiblas per Android.[9][10] Google Play, de per abans Android Market, es lo depositiu d'aplicacions en linha oficial de Google, pasmens se se pòt tanben descargar dempuèi de sites web tèrces. Los desvolopaires escrivon subretot en Java, contrarotlant lo dispositiu mejanç de bibliotècas de Java desvolopadas per Google.[11]
Pendent sa presentacion Android lo 5 de novembre de 2007 anoncièt la fondacion de l'Open Handset Alliance, un consòrci de 80 entrepresas de material, logicial e telecomunicacions amb l'objectiu de crear d'estandards dobèrts pels dispositius mobils.[12][13] Google lancèt una granda partida del còdi d'Android jos la Licéncia Apache, una licéncia de logicial liure dobèrt.[14] En Febrièr de 2013 dominava lo mercat dels telefòns intelligents amb 53% del mercat.[15]