Parsis
From Wikipedia, the free encyclopedia
Los Parsis o Parses (de Pārashika, pòble de Pèrsa, actu&l Iran ; gujarātī : પારસી) son los adèptes del parsisme, confession derivada del zoroastrisme. Constituisson una de las doas comunautats zoroastriana (l'autra es aquesta dels Iranis) avent quitat lo mond iranian per s'installar subretot en Índia.
Après la conquista de la Pèrsa, una partida de la populacion Parsi fugiguèt cap a l'Èst e s'instala en Índia.
Los Parsis s'establiguèron d’en primièr Dins lo Sind e dins lo Saurāshtra, al Gujarat. Recebon al començament del sègle VIII la proteccion del rei Jadi Rana[1], que regnava suls Estats de Thana près de l'actuala Mumbai (Bombai). Tot coma las comunautats josièvas installadas en Índia, los Parsis podèron practicar lor culte zoroastrian liurament e sens constrencha.
Participan fòrça plan a la vida economica, subretot a la formacion de la vila de Bombai, ont ocupavan una plaça importanta dins l'administracion e la cultura.
Los Parsis venèran lo fuòc (simbòl de la Lutz divina, veire « zoroastrisme ») e ne practican pas la cremacion, coma los indós, per lo solhar pas. Tanben per solhar pas lo sol, los còrs son pas inumats mas expausats dins las torres del silenci o dakhmā de biais a èsser descarnats pels voltors.