کاسک
From Wikipedia, the free encyclopedia
کاسک (روسی بولی چ کازاک) روس تے چڑھدے یورپ دے دکھنی گیاہستاناں چ رہن آلے مختلف نسل دے فوجی جنگجو لوکاں نوں آکھیا جاندا اے ۔
کازاک (کاسک) بنیادی طور اُتے مشرقی سلاو بولی بولنے والے آرتھوڈوکس عیسائی لوکاں دا اک گروہ اے جو بحیرہ اسود دے شمال وچ ، پونٹک اسٹیپ وچ شروع ہونے والی ، جمہوری ، خود حکمرانی ، نیم فوجی برادری دے ممبر دے طور اُتے جانیا جاندا اے۔ انہاں نچلے ڈینیپر ، ڈان ، ٹیرک تے یورال ندیاں دے علاقےآں ، [1] وچ بوہت گھٹ آبادی والے علاقےآں تے جزیراں اُتے آباد کيتا تے یوکرائن تے روس دونے دی تاریخی تے ثقافتی ترقی وچ اہم کردار ادا کيتا۔ [2][3]
اینہاں دے وجود چ آن دے مختلف نظریئے نیں ، 14ویں صدی عیسوی دے اخیر چ دو کاسک مسلح جتھے (hosts) نمودار ہوئے ، اک دریائے ڈینیپر دے زیریں علاقے چ تے دوجا دریائے ڈون تے ۔ اینہاں نال کافی سارے روتھینی مہاجر رل گئے ، جہڑے نالدیاں ریاستاں ماسکو تے لتھوانیا چھڈ کے آئے سن ۔ 16ویں صدی عیسوی دے شروع چ ایہہ وڈیاں جنگجو ریاستاں ، جنہاں نوں ہتمندات آکھیا جاندا سی ، چ بدل گئے ۔ (ہتمانات نوں انگریزی بولی چ ہوسٹ یعنی فوجی جنگجو لشکر یاں ریاست آکھیا جاندا اے تے اردو تے پنجابی چ اسنوں اردو وی آکھیا جا سکدا اے ، جداں کہ تاتاری تے منگول اپنیاں ریاستاں نوں اردو یعنی لشکر آکھدے سن مثلا طلائی اردو تے وڈا اردو) ۔
یوکرین دے ڈینیپر کاسکاں نے زاپوروژینی سیچ بنائی ۔ جہڑی پہلے پولینڈ لتھوانیا دولت مشترکہ دی باجگزار سی ، تے دولت مشرکہ ولوں ودھدے سماجی تے مذہبی دباء پاروں ، اینہاں نے کاسک ہتمانات قائم کرن دا اعلان کیتا ، جسدی ابتدا 17ویں صدی عیسوی دےادھ چ بوہدان خمیلنیسکی دی قیادت چ بغاوت سی ۔ اسدے مگروں روسی سلطنت نال معاہدہ پریسلاول نال پولینڈ لتھوانیا دولت مشترکہ دا زوال شروع ہو گئیا تے یوکرین اگلے 3 سو سال لئی روس دے اقتدار تھلے چلا گیا ۔
ڈون کاسک ہتمانات روسی سلطنت دا اتحادی بن گیا ، تے روس نے اپنیاں سرحداں محفوظ کرن لئی علاقے دی منظم فتح تے سامراجیت دی شروع کیتی تے دریائے وولگا ، سائبیریا تے دریائے تیریک دے علاقےآں تے مل ماریا گیا ۔
18ویں صدی عیسوی چ ودھدی ہوئی روسی سلطنت کاسکاں دی وفاداری دی مرہون منت سی ۔ پر کاسکاں دے روایتی آزادانہ طرز زندگی پاروں بوہت ساریاں بغاوتاں نے وی جنم لیا ۔ جنہاں چ ستینکا رازن ، کوندریتی بولاوین تے ییمیلیاں پوگاچیو دیاں بغاوتاں شامل نیں ۔
18ویں صدی دے اخیر چ کاسک اک خاص سماجی رتبہ (سوسلوویئے) بن گیا ، تے ایہہ ببین القوامی تے اندرونی سرحداں تے نگرانی دی خدمات سرانجام دین لگ پئے تے باقاعدگی نال جنگاں چ فوجی مہیا کرن لگے ۔ بوہت ساریاں ترک روس جنگاں کاسک سپاہیاں نے لڑیاں ۔ بدلے چ اینہاں نوں وسیع سماجی آزادی دتی گئی ۔
روسی خانہ جنگی چ کاسک علاقے بالشویک مخالف سفید تحریک دے اہم مرکز بن گئے ، تے اینہاں دے اک حصے نے سفید ایمیگرے بنائی ۔ لال فوج دے ہتھوں تے اسدی فتح دے مگروں ، کاسک علاقے قحط دا شکار بنے تے وڈیاں مصیبتاں توں لنگھے تے 1930ء دے دہاکے دے ادھ توں مگروں ایہہ کجھ پرسکون ہوئے ۔ دوجی جنگ عظیم چ کاسک سویت یونین تے نازی جرمنی دونہاں ولوں لڑے ۔ سویٹ یونین دے ٹٹن مگروں کاسک طرز زندگی روس چ بوہت پھلیا پھولیا ۔ موجودہ روس دی فوج کاسکاں دے سپیشل یونٹ موجود نیں جہڑے مکمل طور تے اینہاں تے مشتمل نیں ۔ کاسک اپن ے ابائی علاقےآں چ سول انتظامیہ تے پولیس چ وی خدمات دیندے نیں تے ہن ایہہ روسی معاشرے دا انٹٹ (اٹوٹ) حصہ نیں ۔ قازقستان ، یوکرین تے دوجے دیساں چ وی کاسک تنظیماں موجود نیں ۔
دوسری جنگ عظیم دے بعد ، سوویت فوج وچ کازاک یونٹ ختم کردتے گئے۔ 1980 دی دہائی دے آخر وچ سوویت یونین دے پیرسٹرویکا دور دے دوران ، کوساکس دی اولاد نے اپنی قومی روایات نوں زندہ کرنا شروع کيتا۔ 1988 وچ ، سوویت یونین نے اک ایسا قانون پاس کيتا جس وچ سابقہ کازاک ہوسٹاں دی بحالی ، تے نويں افراد دے قیام دی اجازت دتی گئی سی۔ 1990 دی دہائی دے دوران ، بوہت سارے علاقائی حکام نے انہاں کازاک ہوسٹاں نوں مقامی انتظامی تے پولیسنگ دی کچھ ذمہ داریاں دے حوالے کرنے اُتے اتفاق کيتا۔