Venezuela
From Wikipedia, the free encyclopedia
'U Venezuela (nome ufficiale jndr'ô spagnole: República Bolivariana de Venezuela) jè 'na repubbleche federale e democrateche acchiate jndr'ô nord de ll'America meridionale. Ha state 'u prime State latinoamericane cca s'ète emangipate d'a Corone spagnole e ha proclamate 'a proprije 'ndependenze 'u 5 luglie 1811. Ha pe' capitale Caracas.
Venezuela | |
---|---|
Date amministrative | |
Nome comblete | Repubbleche Bolivariane d'u Venezuela |
Nome ufficiale | República Bolivariana de Venezuela |
Lènghe ufficiale | Spagnole, Purtughese (Mineme Diffusiune) |
Capitale | Caracas (5.329.355 ab.) |
Politiche | |
Forme de governe | Repubbleche federale presidenziale |
Presidende | Nicolás Maduro |
'Ndipendenze | D'a Spagne 5 luglie 1811 |
Trasute jndr'à l'ONU | 15 novèmmre 1945 1 |
Superficie | |
Totale | 916.445 km² (32º) |
% de le acque | 0,3% |
Popolazzione | |
Totale | 28.384.132[1] ab. (stima 2006) (43º) |
Denzetà | 27 ab./km² |
Nome de le javetande | Template:AggNaz/Venezuela |
Sciugrafije | |
Continende | Americhe d'u Sud |
Fuse orarie | UTC -4 |
Economie | |
Valute | Bolívar fuerte (VEF) |
PIL (nominale) | 201,674 milione de $ (2006) (48º) |
PIL pro capite (nominale) | 12,166 $ (2007) (63º) |
ISU (2006) | 0,826 (ìrte)[2] (61º) |
Varie | |
Codece ISO 3166 | VE, VEN, 862 |
TLD | .ve |
Prefisse tel. | +58 |
Sigle autom. | YV |
Late de guide | Destre (↓↑) |
Inne nazionale | Gloria al Bravo Pueblo |
Feste nazionale | 5 luglie |
1 Jè une de le 51 State ca jndr'ô 1945 honne date vite a ll'ONU. Jè pure 'nu membre de ll'ACS, d'u Patte de le Ande (1973), de ll'Organization of American States, de ll'OPEC (1960) e d'u Gruppe de Rio (1986). 2 'U Presidende Chavez ha annungiate ca 'u fuse orarje d'u Paise ha ddà esse cangiate e ll'ore ufficiale ha ddà esse spustate nnande de mmiènze ore accumenzanne da 'u 1 scennàre 2008. | |
'U Paise, ôsce strutturate jndre 23 Statère e 'nu destritte federale (ôsce die definite Distrito Capital), jè delimitate a nord da 'u Mar de le Caraibe (cca a soje vôte combrenne 'a frondiere marittime cu 'a Repubbleche Dominicane, Aruba, Andille Olannese, Portorico, Isole Vergine, Martiniche, Guadalupe e Trinidad e Tobago), a est confine cu 'a Guyana, a sud e a sud-est cu 'u Brasile, a ovest e a e sud-ovest cu 'a Colombie. 'U Venezuela se spànne sus a 'na grannèzze terrestre totale de 916.445 km², combrensive d'a vanne continendale, de ll'isole de Margarita e de lle Dependenze federale venezuelane. 'U punde cchiù settendrionale d'u soje territorie jè rappresendate da ll'isole de Aves. 'U Paise esercite 'a sovranetate sus a 860.000 km² de grannèzze marine d'abbasce ad 'u cungette de Zone Economeche Esclusive. 'U Venezuela tène pure 'na storeche condroversie territoriale cu 'a Guyana sus a 'na grannèzze de cirche 159.500 chilometre quadrate combrese jndr'à Guayana Esequiba acchiate longhe 'u confine oriendale, designate cumme Zona en Reclamación.