Agentzia Ispatziale Europea
From Wikipedia, the free encyclopedia
S'Agèntzia ispatziale europea, denominada in manera ufitziale Agence spatiale européenne (dae su frantzesu; in acrònimu ASE[1]) o, prus a s'ispissu, European Space Agency (dae s'inglesu; in acrònimu ESA), est un'agentzia internatzionale fundada in su 1975 incarrigada de coordinare sos progetos ispatziales de 22 Paisos europeos.[2] Sa sede generale sua s'agatat in Parigi, in Frantza[3], cun ufìtzios in Mosca, Bruxelles, Washington e Houston. Su personale dae s'ESA de su 2016 arribbaiat a 2'200 persones (escludende su-apaltadores e sas agèntzias natzionales) e su budget suo fiat de 5,25 milliardos de èuros. In custu momentu su diretore generale de s'agèntzia est Johann-Dietrich Woerner.[4]
campidanesu · logudoresu · nugoresu
Agentzia Ispatziale Europea | |
---|---|
(EN) European Space Agency (DE) Europäische Weltraumorganisation | |
Incurtzadura | ESA |
Fundatzione | 1975 |
Punna | Chirca sientìfica |
Sede tzentrale | Parigi, Frantza |
Àrea de atzione | Europa |
Membros | 22 Paisos Membros |
Situ web | |
Su cosmòdromu de s'ESA est su Centre Spatial Guyanais de Kourou, in sa Gujana Frantzesa, unu giassu seberadu, comente a totus sas bases de làntziu, pro sa bighinàntzia sua cun s'ecuadore.[5] Durante sos ùrtimos annos su lantziadore Arianas 5 at cunsentidu a s'ESA de otènnere una positzione de primu pranu in sos làntzios cummertziales e s'ESA est su cuncurrente printzipale de sa NASA in s'esploratzione ispatziale.
Sas missiones sientìficas de s'ESA tenent sas bases issoro in s'ESTEC de Noordwijk, in sos Paisos Bàscios.[6] S'European Space Operations Centre (ESOC), de Darmstadt in Germània[7], est responsàbile de su controllu de sos satèllites ESA in òrbita. Sas responsabilidades de s'European Space Research Institute (ESRIN) de Frascati, in Itàlia, includent sa regorta, s'archiviatzione e sa distributzione de datos satellitares a sos partners de s'ESA; in paris a custu, s'istrutura agit comente tzentru de informatzione tecnològica pro totu s'agentzia.[8] S'European Astronaut Centre (EAC) est in Colònia, in Germània[9], e est unu tzentru pro s'issèberu, s'annestru e su suportu mèigu de sos astronàutas, in paris a su suportu pro sas preparatziones a su làntziu e durante sas missiones. In fines s'European Space Astronomy Centre (ESAC) de Villanueva de la Cañada[10] est su tzentru ESA pro sa chirca astronòmica.