Deep Purple
From Wikipedia, the free encyclopedia
Deep Purple est unu grupu de rock inglesu fundadu a Hertford (Hertfordshire) in su 1968.[1] Paris cun Led Zeppelin e Black Sabbath, si cunsìderat chi sunt unu de sos grupos pionieres de s'heavy metal e s'hard rock modernu, cun totu chi carchi membru intentant de non si categorizare in unu gènere ispetzìficu.[2] Sa banda puru achiriat elementos de mùsica clàssica, blues-rock, pop e rock progressivu.[3] Una borta sunt istados postos in lista in su livru de sos Guinness World Record comente sa banda prus burdellosa, e sunt bènnidas unos 100 milliones de albums totu in tundu de su mundu.[4][5][6][7][8][9] Deep Purple fiat in sa positzione 22 de su programma de sa VH1 Greatest Artists of Hard Rock (Grandu Artistas de s'Hard Rock).[10]
Artìculu in LSC
Deep Purple | |
---|---|
Informatziones | |
Orìgine | Rennu Unidu |
Gènere musicale | Hard rock, Rock progressivu, Heavy metal |
Annos de atividade | 1968-1976 ; 1984- como |
Giassu | http://www.deeppurple.com/ |
Sa banda at cambiadu medas bortas de formatzione e no at trivalladu durante oto annos (1976-84). Sas formatziones intre su 1968 e su 1976 si nùmenant normalmente Mark I, II, III e IV.[11][12] A sa segunda formatzione, sa prus resessida in manera cummertziale, b'aiat Ian Gillan (boghe), Ritchie Blackmore (chitarrista), Jon Lord (tastiera), Roger Glover (bassu elètricu) e Ian Paice (bateria). Custa formatzione est istada ativa intre su 1969 e su 73 e est torrada in s'iscena intre su 1984 e su 89 e una àtera bia in su 1993 in antis chi sas discòrdias intre Blackmore e sos àteros membros divenirent irreparàbiles. Sa formatzione atuale includet su chitarrista Steve Morse e est meda de prus istàbile. Dae cando Lord s'at retiradu su 2002, Paice est s'ùnicu membru originale.