அசீனா பழங்குடியினம்
From Wikipedia, the free encyclopedia
அசீனா (Ashina) என்பது கோக் துருக்கியர்களின் ஒரு பழங்குடியினம் மற்றும் ஆட்சி செய்த அரசமரபு ஆகும். பொ. ஊ. 6ஆம் நூற்றாண்டின் நடுப்பகுதியில் இந்த பழங்குடியினம் முக்கியத்துவம் பெற்றது. அந்நேரத்தில் இதன் தலைவரான பூமின் ககான் உரூரன் ககானரசுக்கு எதிராக கிளர்ச்சியில் ஈடுபட்டார். இந்த அரச குடும்பத்தின் இரண்டு முதன்மை பிரிவுகளில் ஒன்று பூமின் ககான் மூலமும், மற்றொன்று இவரது சகோதரர் இசுதமியின் வழியாகவும் தோன்றியது. பூமின் ககானின் குடும்பமானது கோக் துருக்கியக் கூட்டமைப்பின் கிழக்கு பகுதியையும், இசுதமியின் குடும்பமானது மேற்கு பகுதியையும் ஆண்டன.