ஐக்சோஸ்
From Wikipedia, the free encyclopedia
ஐக்சோஸ் அல்லது ஐக்சோஸ் வம்சம் (Hyksos) (/ˈhɪksɒs/; எகிப்தியம் ḥqꜣ(w)-ḫꜣswt, (எகிப்திய உச்சரிப்பு::heqa khasut) ஆட்சிக் காலம்:கிமு 1630 - கிமு 1523), எகிப்திய மொழியில் பண்டைய எகிப்திய இராச்சியத்தின் கீழ் எகிப்து மற்றும் சினாய் தீபகற்பத்தின் பெரும் பகுதிகளை 107 ஆண்டுகள் ஆண்ட போனீசியா நாட்டின் பிலிஸ்திய மக்களின் ஆட்சியாளர்கள் ஆவார்.[1]இவர்களை எகிப்தியர்கள் எகிப்திய மொழியில் வேற்று நாட்டவர்கள் எனப்பொருள்படும் படி, ஐக்சோஸ் என அழைப்பர். பண்டைய அண்மை கிழக்கின் போனீசியா நாட்டவர்களை எகிப்திய மக்கள் ஐக்சோஸ் என அழைத்தனர்.
.
பின்னர் ஐக்சோஸ் மக்கள் கீழ் எகிப்தின் எகிப்தின் பதினான்காம் வம்சத்தவர்களை வென்று, தங்களை எகிப்தின் எகிப்தின் பதினைந்தாம் வம்சத்தினர் என அறிவித்துக் கொண்டு பண்டைய எகிப்தின் மேல் எகிப்து, கீழ் எகிப்து மற்றும் சினாய் தீபகற்பம் பகுதிகளை கிமு 1630 முதல் கிமு 1523 முடிய 107 ஆண்டுகள் ஆண்டனர். [2]
எகிப்தின் இரண்டாம் இடைநிலைக் காலத்தின் (கிமு 1650 - கிமு 1580) போது எகிப்தில் ஆட்சி அதிகாரத்தை கைப்பற்றும் வாரிசுரிமைப் பிணக்குகளும், பார்வோன்களுக்கு அடங்காது தன்னிச்சையாக செயல்படும் போக்கு அதிகம் நிலவியது. இதனை பயன்படுத்திக் கொண்ட எகிப்துக்கு வெளியே உள்ள போனீசியா தேசத்தவர்கள் கீழ் எகிப்தின் மற்றும் சினாய் தீபகற்பம் போன்ற பகுதிகளைக் கைப்பற்றி ஆண்டனர்.