Seven (mang-aawit)
From Wikipedia, the free encyclopedia
Si Choi Dong-wook(ipinanganak 9 Nobyembre 1984), mas kilala sa kanyang pangalan sa entablado na Seven (iniistilo bilang Se7en) ay isang artista, mananayaw at mang-aawit ng R&B at pop na taga lungsod ng Seoul sa Timog Korea. Nagsimula siya ng pag-eensayo sa pag-awit sa ilalim ng pamamahala ng ahensiyang YG Entertainment sa gulang na 15. Pagkatapos ng apat na taong pagsasanay sa awit at sayaw, nakalikha siya ng kanyang kauna-unahan paglabas at naging matagumpay naman sa Asya.
Se7en | |
---|---|
Kabatiran | |
Pangalan noong ipinanganak | Choi Dong-wook (최동욱, Hanja: 崔東昱) |
Kilala rin bilang | Seven |
Kapanganakan | (1984-11-09) 9 Nobyembre 1984 (edad 39) |
Pinagmulan | Seoul, Timog Korea |
Genre | K-pop, J-pop, R&B, Pop |
Trabaho | mang-aawit, artista, mananayaw |
Taong aktibo | 2003–Kasalukuyan |
Label | YG Entertainment (Korea) NEXSTAR Records (Hapon) |
Website | Hello7.com |
Gumanap siya bilang Lee Hoo, isang pangunahing katauhan sa isang palabas na drama na pinamagatang Goong S (Prince Hours). Ang nasabing drama ay isina-himpapawid sa Korea noong 10 Enero 2007.
Nakapaglabas din siya ng mga album sa mga wikang Koreano at Hapones. At may ilang awit din siya na nasa wikang Mandarin. Bukod sa kanyang bansang Korea, nakilala din siya sa mga bansang Hapon, Tsina, Taiwan, at sa Taylandya.
Bukod sa mga bansang nabanggit, nakapagtanghal na rin siya sa ilang pook sa Estados Unidos, kabilang na sa Los Angeles (sa Grand Olympic at sa Hollywood Bowl), sa lungsod ng New York (Madison Square Garden), at sa Washington DC (DAR Constitution Hall).[1]
Tinampok si Seven sa awiting "Take Control" ni Ameriie na mula sa kanyang album na Because I Love It na nilabas noong Mayo 2007.[2] Ang remix nito ay mayroon sa mga bersyong Asyano ng album.[3]