中華民國國歌
From Wikipedia, the free encyclopedia
中華民國國歌係中華民國嘅國歌,原本係國民黨嘅歌,歌詞係孫文喺1924年黃埔軍校開學嘅訓言,程懋筠作歌譜。
中華民國嘅國歌自1912年建國以來共有4個版本;而家用嘅版本喺1937年定,又因為歌詞第一句係「三民主義」,有時又被稱係「三民主義歌」[1],以區別過往嘅中華民國國歌。首歌先有詞而後有曲。歌詞又名「黃埔軍官學校訓詞」或「總理訓詞」,係中國國民黨總理孫中山喺1924年6月16號舉行嘅陸軍軍官學校(黃埔軍校)開學典禮上,對該校師生發表嘅訓詞;1928年底,當時已透過國民革命軍北伐統一全國嘅中國國民黨決定將總理訓詞定為黨歌、並對外徵求曲譜,最終由程懋筠嘅作品獲選。國民政府喺1930年決議先以「中國國民黨黨歌」代為國歌,之後對外徵求創作,但都定為「從缺」,國民黨黨歌喺1937年正式定為國歌,沿用至今。