Pagsasao a Bieloruso
pagsasao a Daya nga Eslabo / From Wikipedia, the free encyclopedia
Ti Bieloruso (беларуская мова, BGN/PCGN: byelaruskaya mova, Sientipiko: belaruskaja mova, łac.: biełaruskaja mova), sagpaminsan pay a tinawtawagan a kas ti Puraw a Rutenio, ket ti opisial a pagsasao ti Bielorusia, a kakuyogna met ti Ruso, ken naisasao iti ballasiw taaw, a naipangpangruna idiay Rusia, Ukrania, ken Polonia.[3] Sakbay ti pannakagun-od ti Bielorusia ti wayawaya manipud iti Kappon ti Sobiet di 1991, ti pagsasao ket ammo iti Ingles iti Byelorussian wenno Belorussian, ken daytoy ket nai-transliterado iti Ruso a nagan, белорусский язык, wenno alternatibo a kas ti Puraw a Rutenio wenno Puraw a Ruso. Kalpasan ti pannakawayawaya, daytoy ket nagbalin pay ng ammo iti Bieloruso.[4][5]
Bieloruso | |
---|---|
беларуская мова biełaruskaja mova | |
Patubo iti | Bielorusia, iti 14 a sabali a pagpagilian |
Etnisidad | 8 a riwriw a Bieloruso idiay Bielorusia (senso idi 2009)[1] |
Patubo a mangisasao | 3.2 a riwriw (2.2 a riwriw idiay Bielorusia) (ca. 2009)[1] |
Indo-Europeano
| |
Nasapa a porma | Daan a Daya nga Eslabo
|
Siriliko (Alpbeto a Bieloruso) Bieloruso a Braille Alpbeto a Latin a Bieloruso | |
Opisial a kasasaad | |
Opisial a mangisasao | Bielorusia Polonia (idiay Gmina Orla, Gmina Narewka, Gmina Czyże, Gmina Hajnówka ken ili ti Hajnówka)[2] |
Nagalagad | Nailian nga Akademia dagiti Siensia ti Bielorusia |
Kodkodigo ti pagsasao | |
ISO 639-1 | be |
ISO 639-2 | bel |
ISO 639-3 | bel |
Linguaesperio | 53-AAA-eb < 53-AAA-e |
Luglugar nga agsasao iti Bieloruso Leyenda: Nangisit nga asul – teritorio, a kaaduan nga insasao ti Bieloruso | |
Aglaon daytoy nga artikulo kadagiti simbolo ti ponetiko ti IPA. No awan ti maitunos a suporta ti panangipaay, mabalin a makitam dagiti marka-ti-saludsod, kahon, wenno sabali pay a simbolo imbes a dagiti karakter ti Unicode. |
Ti Bieloruso ket maysa kadagiti sasao a Daya nga Eslabo ken makibinningay kadagiti adu a gramatiko ken leksiko a langlanga kadagiti sabali a kameng ti grupo. Iti pannakaipada, ti Ruso, Ukraniano, ken Bieloruso ken agsinnaranay a maawatan.