ჯვრის უღელტეხილი
უღელტეხილი საქართველოში, მცხეთა-მთიანეთის მხარეში / From Wikipedia, the free encyclopedia
ჯვრის უღელტეხილი, ხევისყელი — უღელტეხილი საქართველოში, მცხეთა-მთიანეთის მხარეში, ყაზბეგის მუნიციპალიტეტში. მდებარეობს ხევის კავკასიონის მთავარ ქედზე. მდინარეების ბიდარისა (თერგის მარჯვენა შენაკადი) და მთიულეთის არაგვის წყალგამყოფზე. სიმაღლე ზღვის დონიდან 2379 მ. მასზე გადის საქართველოს სამხედრო გზა. აგებულია მეოთხეული ეფუზივებითა და ინტრუზიული დიაბაზებით. უღელტეხილის მიდამოებში სუბალპური და ალპური ლანდშაფტებია.[1] სამხრეთ-დასავლეთ კალთაზე მოწყობილია გუდაურის ზამთრის სპორტული-გამაჯანსაღებელი კომპლექსი.
სხვა მნიშვნელობებისთვის იხილეთ ჯვრის უღელტეხილი (მრავალმნიშვნელოვანი). |
ჯვრის უღელტეხილი | |
---|---|
ჯვრის უღელტეხილი | |
კოორდინატები: 42°30′16″ ჩ. გ. 44°27′14″ ა. გ. | |
ქვეყანა | საქართველო |
ტერიტორიული ერთეული | ყაზბეგის მუნიციპალიტეტი |
სიმაღლე | 2379 მ |
ქედი | ხევის კავკასიონი |
გამავალი გზა | საქართველოს სამხედრო გზა |
ამგებელი ქანები | დიაბაზი |
ლანდშაფტი | სუბალპური და ალპური |
სურათები ვიკისაწყობში |
როგორც ცნობილია, ჯვრის უღელტეხილს აგებენ ახალგაზრდა ვულკანური ქანები, რომლებიც აქ გაჩნდენ პატარა მეფისკალოდან ლავების ამოღვრის შემდეგ. ამოღვრილმა ლავებმა წარმოშვა ნაკადი ჯვრის უღელტეხილისაკენ. ლავურმა ნაკადმა ამოავსო იმ ძველი მდინარის ხეობა. ლავების ამოღვრამდე ჯვრის უღელტეხილის სიმაღლე დაახლოებით 2000 მ-ზე ცოტა მეტი უნდა ყოფილიყო (ლავის ნაკადის სისქე 360 მ).[2] ლავის ნაკადმა უღელტეხილის სიმაღლე მნიშვნელოვნად გაზარდა. შემდეგში, ჯვრის უღელტეხილის თანამედროვე სახის გამომუშავებაში, მყინვარებმა უდავოდ დიდი როლი ითამაშეს.[3]
„ჯვრის უღელტეხილი“ წყაროებში ცნობილია აგრეთვე ჯვართაყელისა და გუდაურის უღელტეხილის სახელით.