Paeninsula Antarctica
From Wikipedia, the free encyclopedia
Paeninsula Antarctica, in Tsilia O'Higgins Land, in Argentina Tierra de San Martin, ac primum in Britanniarum Regno Graham Land et in Civitatibus Foederatis Palmer Peninsula appellata, est maxime septentrionalis Antarcticae continentalis regio, maioris paeninsulae Antarcticae Occidentalis pars, quae 1300 chiliometra ex Capite Adams (in Mari Weddelliano) et locus in continente ad australem Insularum Eklundensium eminet. Paeninsula Antarctica, sub glaciario continentali quod id tegit, consistit in congerie insularum, quae a fretis altis separantur et cum glaciario continentali coniunguntur. Terra Ignium, maxime australis Americae Australis apex, circiter 1000 chiliometra trans Fretum Drakeanum iacet.[1]
Superficialis Paeninsulae Antarcticae area est 522ā000 chiliometra quadrata, quorum octoginta centesimae glacie teguntur.[2]
Oecosystema maritimum quod occidentalem Paeninsulae Antarcticae pluteum continentalem circumiacet celerem climatis mutationem corporeum passum est. Ex annis 1970, maritimum occidentalis Paeninsulae Antarcticae clima, quod aliquantulum tepidum et humidum erat, ad regiones australes movetur. Haec mutatio climatica frigidum et siccum Antarcticae continentalis clima loco magis atque magis movet, ut paeninsulares calefactionis globalis effectus varie mutarent. Inter mutationes manifestas sunt transportatio caloris aucta, ambitus et temporis spatium glaciei marinae imminuti, pauciores Pygosceles adeliae (qui glacie necessarie nituntur), plures Pygosceles papua et Pygosceles antarctici (qui ambo glaciem libere tolerant), variatio in compositione communitatis phytoplanctoni et zooplanctoni, atque variationes generationis, abundantiae, et praedatoribus praesentiae euphausiaceorum.[3][4][5]
Stationes investigationis scientificae in permultis locis in Paeninsula Antarctica inveniuntur, ubi aliquot civitates suverenitatem vindicant. Inter terras disputatas sunt Antarctica Argentina (Argentina), Territorium Antarcticum Tsilianum (Tsilia), et Territorium Antarcticum Britannicum (Britanniarum Regnum). Hae postulationes a paene omnibus orbis terrarum civitatibus repudiantur, sed, sub Systemate Foederum Antarctico, petitores suas postulationes exsequi non conantur. Postulatio autem Britannica agnoscitur ab Australia, Francia, Norvegia, et Nova Zelandia, sed Argentina plurima castra et homines in paeninsula sustinet.