ఆస్ట్రలోపిథెకస్ సెడీబా
From Wikipedia, the free encyclopedia
ఆస్ట్రలోపిథెకస్ సెడీబా అనేది ప్లైస్టోసీన్ తొలినాళ్ళకు చెందిన ఆస్ట్రలోపిథెకస్ జీనస్ లోని జాతి. 20 లక్షల సంవత్సరాలకు చెందిన శిలాజ అవశేషాల ఆధారంగా దీన్ని గుర్తించారు. శరీరాంగాల పరంగా ఎ. సెడీబా హోమో హ్యాబిలిస్, ఆస్ట్రలోపిథెకస్ ఆఫ్రికానస్ లకు భిన్నంగా ఉన్నప్పటికీ, ఇది ఆ రెంటికీ సంబంధించినదే.[2] ఈ కారణంగా హోమో (మానవ) జాతి పరిణామంలో దీన్ని ఓ పరివర్తన (ట్రాన్సిషనల్) జాతిగా భావించవచ్చు అనే దృష్టికోణంలో దీని పరిశీలన ఆసక్తి కలిగిస్తుంది.
ఆస్ట్రలోపిథెకస్ సెడీబా కాల విస్తరణ: Early Pleistocene, 1.98 Ma PreꞒ
Ꞓ
O
S
D
C
P
T
J
K
Pg
N
↓ | |
---|---|
Reconstructed skeleton of MH1 at the Natural History Museum, London | |
శాస్త్రీయ వర్గీకరణ | |
Kingdom: | Animalia |
Phylum: | Chordata |
Class: | Mammalia |
Order: | Primates |
Suborder: | Haplorhini |
Infraorder: | Simiiformes |
Family: | Hominidae |
Subfamily: | Homininae |
Tribe: | Hominini |
Genus: | †Australopithecus |
Species: | †A. sediba |
Binomial name | |
†Australopithecus sediba Berger et al., 2010[1] | |
దక్షిణాఫ్రికాలోని మానవజాతి ఉయ్యాలలో ఉన్న మాలాపా శిలాజ స్థలంలో కనుగొన్న ఆరు పాక్షిక అస్థిపంజరాల ఆధారంగా ఎ. సెడీబా జాతిని సిద్ధాంతీకరించారు. హోలోటైప్ (ఏ స్పెసిమెన్ ఆధారంగా నైతే ఓ జాతిని నిర్వచించారో ఆ ఒక్క స్పెసిమెన్ను ఆ జాతి యొక్క హోలోటైప్ స్పెసిమెన్ అంటారు) స్పెసిమెన్కు MH1 (మలాపా హోమినిన్ 1) అని పిలుస్తారు. కౌమారంలో ఉన్న ఆ వ్యక్తికి "కరాబో" అని కూడా పేరు పెట్టారు. MH2 ఒక పారాటైప్ స్పెసిమెన్ (ఓ జాతిని నిర్వచించేందుకు ఆధారపడిన (హోలోటైప్ కాకుండా ఇతర) స్పెసిమెన్లను ఆ జాతి యొక్క పారాటైప్ స్పెసిమెన్ అంటారు). అది ఒక వయోజన స్త్రీకి చెందినది. ఇతర అవశేషాల్లో ఒకటి వయోజన పురుషుడిది, మూడు శిశువులవి.[3] మలాపా గుహలో అడుగున ఈ శిలాజాలన్నీ కలిసి కనబడ్డాయి. పైనుంచి ఆ గుహలో పడిపోవటం వలన అవి మరణించి ఉందవచ్చు. అవి 19.8 లక్షల సంవత్సరాల క్రితం నాటివి.[4] మొత్తం 220 ఎముకల శకలాల ఆధారంగా, ఈ పాక్షిక అస్థిపంజరాలను ఆస్ట్రలోపిథెకస్ సెడీబా ఓ కొత్త జాతిగా 2010 లో వర్ణించారు. సెడీబా అనే సోతో భాష లోని పేరుకు "సహజసిద్ధమైన నీటి బుగ్గ" లేదా "బావి" అని అర్థం.[1]